Til eru tvær gerðir lýtaaðgerða, lýtaaðgerðir sem eru nauðsynlegar og þær sem eru ekki nauðsynlegar og kallast fegrunaraðgerðir. Fegrunaraðgerðir eru meðal annars brjósta-og rassstækkun, svuntuaðgerðir og tannréttingar í sumum tilfellum. Í rauninni allar þær aðgerðir sem breyta útliti þínu fyrir aukna fegurð. Fegrunaraðgerðir geta hjálpað fólki að líða betur í eigin skinni og auka sjálfstraust þeirra en oftar en ekki er tilfellið annað. Fólk heldur oft að ef það lætur laga það sem angrar það muni því líða betur en í raun er rót vandans innra með manneskjunni en ekki í því sem hann vildi láta laga. Fegrunaraðgerðir eru afar vinsælar hjá fræga fólkinu og til eru mörg dæmi um frægt fólk sem hefur ofnotað þann kost. Skiptar skoðanir eru á fegurðaraðgerðum. Mörgum finnst þær sniðugar og telja að þetta geri fólkinu sem gengst undir þær gott á meðan aðrir telja þær ónauðsynlegar og skilja ekki hvers vegna fólk fer í þær. Einnig segja margir þetta vera falskar upplýsingar og treysta því ekki að einu aukaverkanirnar séu örin sem þær skilja eftir.
 Nauðsynlegar lýtaaðgerðir eru af allt örðu tagi og eru þær framkvæmdar til að auka lífsgæði fólks eða losa þau við óþægindi. Dæmi um þær eru meðal annars brjóstaminnkun, græðing á brunasárum og húð ígræðsla en þær geta einnig verið fjarlæging á beinum sem vaxa óreglulega eða fjarlæging á krabbameinsvaldandi fæðingablettum.